थगित नगर सभा सुचारु

मधु पौडेल, बाँके २०७५-९-२५

स्थगित बाके जिल्लाको कोहलपुर नगरपालिकाको चौथे नगरसभा बुधबारबाट सुरु भएको छ ।शनिबार उद्घाटन गरेर स्थगित भएको नगरपालिकाको नगरसभा नगर प्रमुख लुट बहादुर रावतको अध्यक्षतामा सुरु भएको नगरसभा बिहीबारसम्म चल्नेछ ।

बुधबार भएको नगरसभामा नगर सभाका समिति गठन नियमावली २०७५ र नगर स्वास्थ्य ऐन २०७५ पेश गरिएको बताइएको छ । सभामा पेश भएको ऐन र नियमावलीका विषय नगर सभाका सदस्यहरुले अध्ययन गरी आवश्यक संशोधनसहित बिहीबार बस्ने नगरसभाले पारित गर्ने जनाईएको छ ।

कोहलपुर नगरपालिका वडा नं. १० का वडा अध्यक्ष एवम् नगर सभा सदस्य निम बहादुर चलाउनेले नगर स्वास्थ्य ऐन २०७५ माथि अध्ययन गर्ने २४ घण्टाको समय माग गरे पछि सभाध्यक्ष लुट बहादुर रावतले बिहीबार बिहान १० बजे भित्र नगर स्वास्थ्य ऐन माथि छलफल गर्ने समय थप गरेका थिए ।

सभामा कोहलपुर नगरपालिकाका प्रमुख प्रशासकिय अधिकृत प्रेम प्रसाद देवकोटाले कोहलपुरको शिर्षकगत आवधिक आय संकलनको विवरण सभामा पेश गरेका छन् । कोहलपुर नगरपालिकाको आर्थिक वर्ष २०७५÷०७६ को चार महिनाको आयका बारेमा जानकारी दिएका थिए ।

कोहलपुर नगरपालिकाले चालु आर्थिक वर्षको कार्तिक मसान्तसम्म १ करोड ४३ लाख ४९ हजार ७ सय २७ रुपैयाँ राजश्व संकलन गरेको छ । प्रमुख प्रशासकिय अधिकृत देवकोटाले नगरपालिकाको खर्च फाँटवारीका बारेमा पनि जानकारी गराएको नगरले जनाएको छ ।