प्रकाशित मिति : मङ्लबार, माघ ८, २०७५
काठमाडौं, माघ ८ । नेपाली महिला फुटबल टोलीले भारतमा चार देशबीच मैत्रीपूर्ण खेल खेल्ने भएको छ ।
आगामी माघ २४ गतेदेखि भारतको भुवनेश्वरमा नेपालले आयोजक भारत, म्यानमार र श्रीलंकासित मैत्रीपूर्ण खेल खेल्न लागेको हो ।
महिला साफ च्याम्पियनसिपको तयारीस्वरुप नेपालले उक्त मैत्रीपूर्ण खेलमा सहभागिता जनाउन लागेको अखिल नेपाल फुटबल संघ (एन्फा)ले मंगलबार जनाएको छ ।
नेपालले साफ च्याम्पियनसिप आयोजना गर्दैछ । साफ च्याम्पियनसिप फागुन २८ गतेदेखि विराटनगरमा हुँदैछ ।
साफ च्याम्पियनसिपमा नेपाल समूह ‘ए’मा रहेको छ । नेपालको समूहमा बंगलादेश, भुटान र पाकिस्तान रहेका छन् ।
© copyright 2016-2019 and all right reserved to jaljalakhabar | Site By : sobij
