रामेछापबाट जन्ती बोकेर काभ्रे आउँदै गरेको टिप्पर दुर्घटना, २ को मृत्यु ३९ घाईते

सिन्धुली । रामेछापको कडोरेबाट जन्ती लिएर काभ्रे आउँदै गरेको बा ४ ख ९४३८ नम्बरको टिप्पर सिन्धुलीमा दुर्घटना हुँदा २ जनाको ज्यान गएको छ। दुर्घटनामा परी अन्य ३९ जना घाइृते भएका छन्।

हिजो बुधबार बेलुका रामेछापको खाँडदेवी गाउँपालिका–१, कडोरेबाट जन्ती लिएर काभ्रे फर्कँदै गरेको उक्त टिप्पर सिन्धुलीको सुनकोशी गाउँपालिका–२ कमेरेफाँटमा दुर्घटना हुँदा २ जनाको ज्यान गएको सिन्धुलीका एसपी चन्द्र बहादुर सिँहले डिसी नेपाललाई बताए।

ज्यान गुमाउनेहरुमा तिमाल–९, की २२ वर्षीया कृगणमाया माझी र १६ वर्षीय चुन्पाई लामा रहेको प्रहरीले जनाएको छ। दुर्घटनाका अन्य १० जना घाईतेहरुलाई थप उपचारका लागि काठमाडौँको ट्रमा सेन्टरमा ल्याईएको छ भने अरुको धुलिखेल अस्पतालमा उपचार भइरहेको एसपी सिँहले बताए।

प्रहरीले टिपर चालक रामेछाप जिल्ला खाँडादेवी गाउँपालिका–१ का ३७ वर्षीय खड्क माझीलाई नियन्त्रणमा लिई घटनाबारेमा थप अनुसन्धान गरिरहेको जनाएको छ।