प्रकाशित मिति : बिहिबार, माघ २४, २०७५
बैतडी, माघ २४ । बैतडीमा फेरि हिमपात भएको छ । पटक–पटकको हिमपातको कारण यहाँको उच्च भेगको जनजीवन नराम्ररी प्रभावित बनेको छ ।
यो महिनामात्र यस क्षेत्रमा चार पटक हिमपात भएको छ । माघको दोस्रो साता परेको हिउँ पग्लन नपाउँदै गएराति फेरि हिमपात भएको हो ।
लामो समयदेखि हिउँ जमेकाले गाउँपालिका केन्द्र पुग्नसमेत अप्ठ्यारो भएको स्थानीय बताउँछन् । सिगास गाउँपालिकाको वडा नं १ र २ नं वडाका नागरिकलाई गाउँपालिकासम्म पुग्न हिमपातले असहज भएको छ ।
उक्त क्षेत्रमा अझै पनि दुई फिटसम्म हिउँ जमेको बताइएको छ । सिगास गाउँपालिका केन्द्र पुग्न सडक सुविधा नरहेका कारण ४ घण्टा पैदल हिडेर जानुपर्ने बाध्यता छ ।
हिँडेर जानुपर्ने र बाटोमा हिउँ जमेकाले गाउँपालिका केन्द्र पुग्न समस्या हुने गरेको हो । हिउँ नपग्लेकोले खानेपानीको समेत समस्या भएको छ ।
© copyright 2016-2019 and all right reserved to jaljalakhabar | Site By : sobij
