स्वास्थ्यका लागि लौकाको जुस पिउनुका ५ फाइदा (भिडियो)

काठमाडौँ। हामी कहाँ बिहानै उठेपछि चिया र कफी पिउने बानी छ। बिहानै उठेर चिया वा कफीको ठाउँमा लौकाको रस पिउँदा स्वास्थ्यको लागि धेरै फाइदाजनक हुन्छ।

विशेष गरेर तरकारीका लागि प्रयोग हुने लौकाको जुस खानु स्वास्थ्यका लागि अति नै लाभदायक हुन्छ। तपाईँलाईलौकाको फिक्का स्वाद शुरुमा नराम्रो लाग्न सक्छ तर, फाइदा थाहा पाएपछि लौकाको जुस पिउँदिन भन्न सक्नु हुनेछैन।

लौकाको जुस पिउँदा हुने फाइदा

१. वजन घटाउनमा मद्दत
लौकाको रसमा क्यालोरी र चिल्लो बराबर हुँदैन जसमा हुने फाइबरले भोकलाई कम गर्छ जसले गर्दा मोटाउने सम्भावना कम हुन्छ ।

२. कब्जियतको बिरामीको लागि फाइदाजनक
यदि कब्जियतको बिरामीले दैनिक बिहानै उठेर लौकाको रस पिउँछ भने लौकाको रसमा पाइने फाइबरले पाचन प्रक्रियालाई दुरुस्त बनाउँछ।

३. शरीरभित्रको फोहोरलाई सफा गर्ने
खाली पेटमा लौकाको रस पिउनाले तागत र शक्ति प्राप्त हुन्छ । लौकाको रसमा ९८ प्रतिशत पानी र बाँकी एन्टीअक्सिडेन्ट्स हुन्छ, जो शरीरभित्रको टक्सिनलाई बाहिर निकाल्छ र जसले गर्दा भित्री शरीरको फोहोर सफा हुन्छ।

४. शक्तिको लागि
यदि तपाई बिहानै उठेर काम गर्नुहुन्छ भने लौकाको रस पिउनुस् यो धेरै फाइदाजनक छ। यसमा कार्बोहाइड्रेट पाइन्छजसले मांसपेशीहरुको काम गर्ने क्षमता बढाउछ।

५. युरिन इन्फेक्सनमा फाइदा
यदि तपाईँलाई युरिन डिस्चार्ज गर्ने बेला जलन वा दुख्ने महसुस हुन्छ भने लौकाको रस पिउनुस् यो फाइदाजनक छ। युरिनमा एसिडको मात्रा बढी हुनाले जलन वा दुख्ने हुन्छ, जब लौकाको रस पिउने गरिन्छ यसले अम्लियतालाई कम गर्छ र जसले जलन वा दुख्ने समस्यालाई पनि कम गर्छ।