३७ औ मगर दिवस मलेसियाको पेनाङमा विविध कार्यक्रम गरेर मनाईने

पेनाङ । ३७ औ मगर दिवस मलेसियको पेनाङमा मनाईने भएको छ । ‘इतिहास, भाषा , सस्कृति सरंक्षण , सम्बद्र्धन मगरहरूको मुलमन्त्र, जातीय पहिचान र स्वायत्त सासन सहितको संघिय लोकतान्त्रिक गणतन्त्र’ भन्ने मुल नाराका साथ नेपाल मगर संघ क्षेत्रिय कमिटि पेनाङ मलेसियाले एक कार्यक्रमको आयोजना गर्दे मगर दिवस मनाउने भएको हो।

नेपाल मगर संघ क्षेत्रिय कमिटि पेनाङका सह–सचिव मिलन पुन मगरले डिसी नेपाललाई दिएको जानकारी अनुसार कार्यक्रममा मगरहरुको विभिन्न झाँकी प्रस्तुत गरिने भएको छ । त्यस्तै कार्यक्रममा मलेसियामा कार्यरत स्थानीय कलाकारहरुले पनि आफ्न्नो प्रस्तुती दिने भएका छन्।

आगामी मार्च ३ तारिख आइतबारका दिन फ्यामेली क्यारी हाउस पुलाउ पेनाङ,तमन इन्दामन तोरोङकेन्दी–४ मा दिउँसो १२ बजेबाट हुने उक्त कार्यक्रममा मलेसियावासी सम्पूर्ण नेपाली समुदायलाई उपस्थितिको लागि नेपाल मगर संघ क्षेत्रिय कमिटि घ पेनाङले अनुरोध गरेको छ।