प्रकाशित मिति : बुधबार, फाल्गुन १५, २०७५
काठमाडौं । समाजमा हिंसाका घटनाहरु नियन्त्रण गर्ने बिभिन्न निकायले वर्षौंदेखि काम गर्दै आएका छन्। बोक्सीको आरोप लगाउँदै कुटपिट गरेका घटना पनि दैनिक जसो बढ्दै गएका छन्।
त्यसै क्रममा आइतबार १२ गते दोलखा घर भई हाल काठमाडौँको भीमसेनथान बस्दै आएकी रस्मी उपरकोटीमाथि बोक्सीको आरोपमा एक माताले निर्मम तरिकाले कुटपिट गरेकी छन्।
माता कविता श्रेष्ठले आइतबार राती ९ बजे देखि १२ बजेसम्म पन्यौँ तताएर डाम्दै पिटेको पीडित रश्मी उपरकोटीले जानकारी दिएकी छिन्। तीन महिनाकी सुत्केरी रश्मीमाथि निर्मम कुटपिट हुँदा पनि अरु १२ जना जसले उनलाई माताकोमा लगेका थिए उनीहरुले पनि टुलुटुटु हेरी बसे भन्दै उनी भक्कानिइन्।
मंगलबार रश्मी बिहानदेखि प्रहरी परिसर हनुमान ढोका न्याय माग्न आएकी थिइन्। रश्मीको जिउ भरी निल डाम, र अनुहार भरी पुरै डामिएको, ३ महिनाको सुत्केरी महिला सानो नानू लिएर प्रहरी परिसरको क्यान्टिनमा रुदै थिइन। तर उनलाई निर्मम कुटपिट गर्ने माता भने फरार भएको खबर प्राप्त भएको छ।
(भिडियो सहित)
© copyright 2016-2019 and all right reserved to jaljalakhabar | Site By : sobij
