प्रकाशित मिति : सोमवार, चैत्र ११, २०७५
काठमाडौँ । आज सोमबार अचानक मौसम बदलीसँग काठमाडौँ उपत्यकासहित देशका अधिकांश क्षेत्रमा पानी पर्ने सम्भावना रहेको छ।
आज सोमबार विशेषगरी देशको पश्चिमी भागमा वर्षासँगै हिमाली क्षेत्रमा हिमपात हुने सम्भावना रहेको जल तथा मौसम पूर्वानुमान महाशाखाले जनाएको छ।
पश्चिमी वायुको प्रभावका कारण सोमबार र मंगलबार देशभरकै मौसममा बदलीको सम्भावना भएपनि ठूलो पानी पर्ने सम्भावना भने नरहेको महाशाखाले जनाएको छ।
आज सोमबार पश्चिमी वायुको प्रभाव पश्चिममा बढी पर्नेछ भने मंगलबार मध्य र पूर्वी भूभागमा पर्ने सम्भावना रहेको महाशाखाले जनाएको छ। बुधबारबाट भने मौसममा सुधार आउने छ।
© copyright 2016-2019 and all right reserved to jaljalakhabar | Site By : sobij
