हात्तीपाईले विरुद्ध घरघरमै गई औषधि खुवाईदै

तिर्थराज ज्ञवाली, १७ फागुन, मसुरीया (देउखुरी दाङ) । राप्तीमा हात्तीपाईले (फाईलेरिया) विरुद्ध औषधि शुक्रवार देखी घरघरमै स्वास्थ्य कर्मी गई खुवाउन सुरु गरिएको छ । शुक्रवार गाउँपालिकाको कार्यालयमा राप्ती गाउँपालिका अध्यक्ष नुमानन्द सुवेदिले हात्तीपाईले (फाईलेरिया) विरुद्ध औषधि खाई कार्यक्रमको सुरुवात गर्नुभएको छ ।

राप्ती गाउँपालिकास्वास्थ्य शाखा संयोजक नारायण राउत तथा सह संयोजक नवराज न्यौपानेले अध्यक्ष सुबेदिलाई औषधि खुवाई कार्यक्रमको सुरुवात गर्नुभएको हो ।

शुक्रवार राप्ती गाउँपालिकाको कार्यालयमा समेत स्वास्थ्य कर्मीसहितको टोलीबाट राप्ती गाउँपालिकाका प्रमुख प्रशासकिय अधिकृत जगत प्रसाद भुसालले समेत हात्तीपाईले (फाईलेरिया) विरुद्ध औषधि खानुभएको छ ।

उक्क्त हात्तीपाईले (फाईलेरिया) विरुद्ध औषधिखोने क्रममा कार्यालयका अन्य कर्मचारी तथा सेवाग्राहिलाई समेत औषधि खुवाईएको राप्ती गाउँ पालिकास्वास्थ्य शाखा संयोजक नारायण राउतले जानकारी दिनुभएको छ ।

शुक्रवारदेखी विद्यालय, संघसंस्था तथा घरघरै स्वास्थ्य कर्मी गएर औषधि खुवाइृने समेत राप्ती गाउँपालिकास्वास्थ्य शाखा सह संयोजक नवराज न्यौपानेले जानकारी दिनुभएको छ ।

हात्तीपाईले (फाईलेरिया) रोग फैलनुवाट रोक्नु र विरामीको संख्यामा कमी ल्याउने उदेश्यले राप्ती गाउँपालिका स्वास्थ्य शाखाले राष्ट्रिय अभियान अन्तरगत राप्ती क्षेत्रमा हात्तीपाईले (फाईलेरिया) विरुद्ध औषधि खाने अभियानलाइ वडा वडामा सचेतना कार्यक्रम सञ्चालन त्रिब्ररुपमा अघि बढाएको थियो ।

हात्तीपाइले (फाईलेरिया) रोग औषधी खुवाउने काम राप्ती गाउँपालिकामा, पहिला दिन टोलको पाएक पर्ने स्थानमा औषधि खुवाउने, दोश्रो तथा तेश्रो दिन प्रत्येक घर दैलोमा नै स्वास्थ्यकर्मीहरु भ्रमण गरि औषधि खान योग्य सबैलाई खुवाउने, आफ्नै अगाडी प्रत्यक्ष निगरानीमा मात्र औषधी खुवाउने काम गरिने, औषधि खुवाउने काम स्थानीय स्वास्थ्य संस्थाका स्वास्थ्यकर्मीहरु, सम्भव भए सम्म स्थानीय रुपमा रहेका स्वास्थ्य बिषय अध्ययन गरेका आदि ब्यक्तिहरुबाट स्वास्थ्य स्वयंसेवकहरु छनौट गरिने, स्वयंसेवकहरुलाई एक-एक दिनको तालिम पश्चात औषधि खुवाउने कार्यमा खटाईने आम औषधी सेवन अभियान मिति २०७५ फाल्गुन १५ गते हरेक बुथमा र १६ गते देखि स्वास्थ्य कर्मिहरुबाट घरभेट गरी खुवाईने राप्ती गाउँपालिका स्वास्थ्य शाखा संयोजक नारायण राउतले बताउनु भएको छ ।