सन्दर्भ अन्तर्राष्ट्रिय नारी दिवस, महिला हिंसा अन्त्य गर्न पुरुषको भूमिका आवश्यक

शिबराज पन्थी
१८ फागुन, गढवा । गढवा–७ घोराहाकी शिवा चौधरीले भाषण गर्ने भनेर मंचमा पुगी माइक्रोफन समाउनु भयो । हातखुट्टा लगलगती कमाएर डर लाग्यो भन्दै भाषण गर्न थाल्नुभयो । महिला हिंसाको अन्त्य गर्ने बिषयमा भाषण गर्ने प्रतियोगितामा जिन्दगीमा पहिलो पटक भाग लिएको उहाँले बताउनु भयो । कार्यक्रममा बोल्दै महिलाको हिंसा महिलाबाटै हुने गरेको भन्दै अब आ–आफ्ना श्रीमतिहरुलाई घरबाटै पुरुषहरुले सचेतना दिनुपर्ने बताउनु भयो । त्यस्तै गढवा ६ हाँसीपुरकी शान्ता आचार्य जिसीले पनि पहिलो पटक भाषण गर्ने कार्यक्रममा भाग लिएको बताउदै पुरुषहरुबाटै महिलाहरु हिंसामा पर्नै भएकोले पितृसत्तात्मक चिन्तन, सोंच र मनोबृत्ति त्याग्न महिला पुरुष सबै लाग्नुपर्ने बताउनु भयो ।

उहाँहरु जस्तै गढवा ५ की भुवनेश्वरी चौधरी, दर्गा आमा समूहकी रोशना चौधरी, गढवा–५ की चमेली चौधरी, गढवा ५ तकियापुरकी द्रुपदि चौधरी र गढवा ७ मानपुरकी मायादेवी चौधरी पनि महिला हिंसा अन्त्य गर्न पुरुषको भूमिका बिषयक बकृत्वकला प्रतियोगितामा भागलिन जिवनमा पहिलो पटक माइक समाएर मंचमा जानु भयो ।

झण्डै एकहजार बढी महिलाहरुको उपस्थिती भएको कार्यक्रममा पहिलो पल्ट मञ्चमा पुगी भाषण गर्ने २५ वटा आमा समूहका २३ जना महिलाहरु र तिनजना पुरुषहरु सबैले महिला र पुरुष एउटा गाडीका पाङ्ग्रा भएको भन्दै महिला हिंसा अन्त्य गर्न पुरुषहरुको अहं भूमिका हुनुपर्ने बताए । महिलाहरुले पनि आफ्ना पुरुषहरुलाई खाना खाएको थाल माझ्न लगाउने, आफ्ना लुगा आफै धुन लगाउने र परपुरुष कसैको पनि डर, क्रास र लोभ लालचमा नपर्ने र महिलाहरुलाई आर्थिक, सामाजिक, साँस्कृतिक र शैक्षिक क्षेत्रमा अगाडी बढाउन पे्ररीत गरेमा महिला हिंसा स्वतः न्यूनिकरण हुने कुरामा सबैले जोड दिए ।

सन्दर्भ हो आउदै गरेको अन्र्तराष्ट्रिय नारी दिवसको पुर्व सन्धयामा शनिवार क्रेयटिभ पोसिविलीटीज (सिपी) नेपालले देउखुरीको गंगापरस्पुरमा आयोजना गरेको महिला हिंसा न्यूनिकरण गर्न पुरुषको भूमिका बिषयक बक्तृत्वकला प्रतियोगिताको ।

कार्यक्रममा उपस्थित झण्डै एकहजार बढी महिलाहरुको विचमा कहिल्यै पनि मंचमै नबोलेका महिलाहरुले धक मानीमानी भएपनि निकै महत्वपुर्ण बिषयहरु उठान गरिरहँदा मंचमा बसेका अतिथिहरु दंग परिरहेका थिए ।

छब्विस जना प्रतियोगीहरुले बोलिसकेपछि कार्यक्रममा बोल्दै गढवा गाउँपालिका वडा नं. ६ का वडाअध्यक्ष बालचन्द्र ठकुरी हमाल, वडा नं. ४ का वडाअध्यक्ष गुलाम मोहम्मद, महिला सदस्य तथा न्यायिक समितिका सदस्य कमला नेपाली, गाउपालिकाका महिला तथा वालवालीका शाखाका संयोजक जिवन कुमारी जिसी, गढवा उद्योग बाणिज्य संघका प्रतिनिधी खुमानन्द पोखे्रल र बिसीडीका रामलक्ष्मण शाह लगायतले महिलाहरुले निकै महत्वपुर्ण बिषयहरु उठान गरेको यस प्रकारको कार्यक्रम गढवामै पहिलो भएको भन्दै महिला हिंसा न्यूनिकरण गर्न पुरुषहरुको महत्वपुर्ण साथ र सहयोगको आवश्यकता औल्याउनु भएको थियो ।

प्रतियोगितामा साहारा आमा समुह प्रनाहाका वविता चौधरी र सगरमाथा आमा समुहका शान्ता आचार्य जिसीले प्रथम स्थान हाँसील गर्नुभएको थियो भने मखमली आमा समुह घोराहाकी शिवा चौधरी र गंगाराम चौधरीले द्धितिय स्थान, परिवर्तन आमा समूह लोखरपुरकी कलिला चौधरी र मिलन आमा समूह सेम्रीकी सुमित्रा चौधरीले तृतिय स्थान हाँसिल गर्नुभएको थियो ।

यसैगरि प्रगति आमा समुह धर्मपुरका फूलमति चौधरी र सगरमाथा आमा समूह कटियानगाउँका सिता चौधरीले सान्त्वना स्थान हाँसिल गर्नुभएको थियो । प्रतियोगिताको निर्णयकहरुमा शिक्षकहरु मञ्जु पौडेल, प्रतिमा केके र स्वामीदयाल यादव रहनु भएको थियो । कार्यक्रमको सहजिकरण सिपि नेपालका महिला कार्यक्रम संयोजक सरिता चौधरीले गर्नुभएको थियो ।