राप्ती गाउँपालिकामा नारी दिवस

देउखुरीको राप्ती गाउँपालिकामा विभिन्न कार्यक्रम गरी १ सय ९ औँ अन्तराष्ट्रिय नारी दिवस मनाइएको छ । लौङ्गिक समानताका लागी समान सोच र व्यबहार समृद्वीको आधार भन्ने मुल नाराका साथ दिवस मनाइएको हो ।

राप्ती गाउँपालिकाको आयोजना तथा लक्ष्मी महिला सहकारी र भृकुटी महिला विकास सहकारी संस्थाको सहयोगमा दिवस मनाइएको हो ।

राप्ती गाउँपालिकाकी उपाध्यक्ष जगदम्बाकुमारी चौधरीको अध्यक्षता एवम् प्रतिनिधि सभा सदस्य गंगा थारुको प्रमुख आतिथ्यता र राप्ती गाउँपालिकाका अध्यक्ष नुमानन्द सुवेदीको विशिष्ट आतिथ्यतामा भएको कार्यक्रममा नेपाल कम्युनिष्ट पार्टीका राप्ती गाउँपालिका अध्यक्ष धर्मराज अधिकारी, नेपाली कांग्रेसका राप्ती गाउँपालिका सभापती दुर्योधन पाण्डे, राजमो राप्ती गाउँपालिका अध्यक्ष केशवराज खनाल,राप्ती गाउँपालिका वडा नम्बर ६ का वडा अध्यक्ष वेदप्रसाद चौधरी, भृकुटी महिला विकास सहकारी संस्थाका अध्यक्ष हिमाली न्यौपाने लगायतका वक्ताहरुले शुभकामना मन्तव्य व्यक्त गर्नु भएको थियो ।

कार्यक्रममा विभिन्न प्रतियोगितात्मक कार्यक्रम र साँस्कृतिक प्रस्तुती समेत देखाइएको थियो । गाउँपालिकाका प्रवक्ता विद्याशरण चौधरीको स्वागत मन्तव्यबाट सुरु भएको कार्यक्रमको सञ्चालन विमला भट्टराई खनालले गर्नु भएको थियो ।