‘पाकिस्तानी टिम ठूलो उलटफेर गर्न सक्षम छ, च्याम्पियन्स ट्रफी नबिर्सिनू’

काठमाडौं। आज विश्वकपमा भारत र पाकिस्तानबीच खेल हुँदैछ । यो खेल निकै हाइभोल्टेज हुनेछ किनकि यी दुई देशमा यो खेललाई खेलको रुपमा मात्र नभइ युद्धको रुपमा लिइन्छ । यही हाइभोल्टेज खेलको बीचमा एक अन्तर्राष्ट्रिय मिडियाले यी दुवै देशका बरिष्ठ खेल पत्रकारहरुसँग यस विषयमा कुरा गरेको छ ।

हमिद मिर, पाकिस्तानका बरिष्ठ खेल पत्रकार

आइसीसीले गत वर्ष १४ देशमा सर्वेक्षण गरेको थियो जसमा चीन अमेरिका जस्ता देख पनि थिए । यसको नतिजाअनुसार विश्वभर करिब १ अर्ब क्रिकेट फ्यान छन् । यसको ९० प्रतिशत भारतीय उपमहाद्वीपमा छन् । आज अधिकांश क्रिकेट विशेषज्ञले भारतीय टिमलाई पाकिस्तानी टिमभन्दा निकै मजबुत बताइरहेका छन् । तर, केहीले पाकिस्तानी टिमलाई अनुमान गर्न नसकिने अर्थात अनिश्चितताले भरिएको बताएका छन् । २०१७ को च्याम्पियन्स ट्रफीमा पाकिस्तानी टिम कमजोर थियो । पहिलो खेलमा ऊ भारतसँग हारेको थियो तर अन्त्यमा उसले प्रतियोगिता नै जित्यो ।

भारतीय र पाकिस्तानी क्रिकेट प्रेमी चाहन्छन् कि यी दुई देशबीच क्रिकेट होस् तर उनीहरु यसलाई खेललाई जस्तै हेर्दैनन् बरु कुनै युद्धझैं हेर्छन् । विगत कैयौं वर्षदेखि यी दुई देश एक अर्काको देशमा क्रिकेट खेलेका छैनन् । तर, उनीहरु एक तेस्रो देशमा, जुन देशले उनीहरुमाथि ३ सयभन्दा धेरै वर्ष शासन गर्यो, त्यहाँ खेल्न तयार छन् । के यो एक प्रकारको ढोंग होइन ? भारत र पाकिस्तानका फ्यान आफ्नो धर्तीमा होइन गोराहरुको धर्तीमा दुई देशबीचको खेल हेर्न सक्छन् ।

आजको खेलको लागि मलाई १० ब्रिटिस सांसदले इङल्याण्ड आउन निम्ता दिएका थिए । यीमध्ये ५ भारतीय मूलका सांसद हुन् र पाँच पाकिस्तानी मूलका । उनीहरु खेलको माध्यमबाट दुई देशबीच शान्ति चाहन्छन् । लण्डनको किंग्स कलेजका छात्रहरुको संगठन पाकिस्तान इण्डिया पीस फोरम पनि यही कोसिस गरिरहेको छ । म यो खेलको लागि त इङल्याण्ड गइन तर भारत र पाकिस्तानबीच फाइनल हुन्छ भने अवश्य जानेछु । कसैले पनि जितोस् म डान्स गर्छु । यदि आजको खेल भारतले जित्यो भने म सार्वजनिक रुपमा उसलाई बधाइ दिन्छु ।

राजदीप सरदेसाइ, भारतका बरिष्ठ खेल पत्रकार

आजको खेलमा ८० प्रतिशत भारतले जित्ने सम्भावना छ । हाम्रो टिम यति बलियो छ कि यदि आज हामी पाकिस्तानसँग १० खेल खेल्यौं भने ८ खेल त जित्छौं नै । पहिले भारतीय टिम ब्याटिङको लागि जानिन्थ्यो । आज हामीसँग बुमराहजस्ता टप बलर छन् । पाकिस्तानसँग मोहम्मद आमिर छन् तर उनी बुमराहको स्तरका छैनन् । हाम्रा दुवै स्पिनर कुलदीप र चहल पाकिस्तानका स्पिनरको तुलनामा राम छन् । विराट र रोहितको तुलनामा उनीहरुसँग ब्याट्सम्यान छैनन् ।

मेरा केही पाकिस्तानी मित्र भन्छन् कि तपाइँ बाबर आजमलाई हेर्नुस् । तर म भन्छु उनी विराटको तुलनामा केही होइनन् । यद्यपि पाकिस्तानी टिम आज धेरै अनिश्चितताबाट भरिएको छ । उनीहरु न केवल अनिश्चित छन्, हरेक घण्टा अनिश्चित छन् । उनीहरु एक घण्टा राम्रो खेल्छन् अनि खेल बिग्रिन्छ । यस्तोमा खतरा हुन्छ । हामीलाई थाहा छेन आज उनीहरुको टिम कस्तो खेल्छ । हाम्रा सबै प्लान फेल हुन्छन् ।

फिल्डिङको कुरा गर्ने हो भने हामे फिल्डिङ पाकिस्तानको भन्दा कैयौं राम्रो छ । एउटा रोचक कुरा यो पनि हो कि पाकिस्तानी टिम कुनै पनि बेला जतिसुकै खराब होस् उसका खेलाडी भारतको अगाडि सधैं राम्रो खेल्छन् । पाकिस्तानी टिममा सधैं एक दुई खेलाडी यस्ता हुन्छन् जो भारतविरुद्ध एक–दुई खेलमा राम्रो खेलेर पूरै करिअर बनाउँछन् ।