जेम्स रोड्रिगुएजलाई एथ्लेटिको मड्रिडको अफर

काठमाडौं। रियल मड्रिडका कोलम्बियन स्ट्राइकर जेम्स रोड्रिगुएजलाई हालै उनका पिताले नापोली जान सल्लाह दिएका थिए । जेम्सको लागि नापोली सबैभन्दा उपयुक्त हुने उनको तर्कपछि नापोली जाने तयारी थालेका जेम्सले तत्कालका लागि नापोली ट्रान्सफर रोक्ने भएका छन् ।

एथ्लेटिको मड्रिडका म्यानेजर डिएगो सिमेओनले जेम्सलाई अनुबनध गर्न इच्छा देखाएका छन् । एल ट्रान्जिस्टरका अनुसार एथ्लेटिकोले जेम्सलाई औपचारिक अफर गरिसकेको छ । उसले जेम्सलाई तत्कालका लागि नापोली ट्रान्सफर होल्डमा राख्न भनेको छ ।

एथ्लेटिकोले यस सिजन लुकास हर्नान्डेज, डिएगो गोडिन र जउफ्रानलाई बचिसकेको छ । एन्टोइन ग्रिजम्यानले पनि क्ल्व छाड्ने घोषणा गरिसकेका छन् । एथ्लेटिकोले जोआओ फेलिक्सलाई साइन गर्ने पक्का भइसकेको छ । अब एथ्लेटिकोले जेम्सलाई पनि ल्याउन चाहेको समाचार छ ।