नौ ओभरको खेलमा मलेसियाद्वारा नेपाललाई ८४ रनको लक्ष्

काठमाडौं । आईसीसी टी–२० विश्वकप छनोटको एसिया फाइनलमा मलेसियाले नेपाललाई ८४ रनको लक्ष्य दिएको छ। इण्डियन एसोसियसन ग्राउण्ड सिंगापुरमा भएको खेलमा टस हारेर ब्याटिङको निम्तो पाएको मलेसियाले निर्धारित ९ ओभरमा ७ विकेट गुमाएर ८३ रन बनायो।

मलेसियाका लागि सायद अजिजले आक्रामक ब्याटिङ गरेर ३० रन बनाए। उनले १५ बलमा ५ चोका र २ छक्का प्रहार गरेर आउट भए। यस्तै भिरन्दिप सिंहले २१ रन बनाए भने अन्य खेलाडीले दोहोरो रन बनाउन सकेनन्।

नेपालका लागि सोमपाल कामीले ३ विकेट लिए। यस्तै बसन्त रेग्मीले दुई तथा सन्दिप लामिछाने् र करन केसीले १–१ विकेट लिए। आज खेल नेपाललाई जित्नै पर्ने रहेको छ । आज पराजित भएमा नेपालको छनोट हुने सम्भावना लगभग समाप्त हुनेछ।