मेसीबिना बार्सिलोनाले जित्यो जोन गाम्पर ट्रफी

काठमाडौँ । बार्सिलोनाले आर्सनललाई पराजित गर्दै जोन गाम्पर ट्रफी जितेको छ । गएराती भएको खेलमा बार्सिलोनाले प्रिमियर लिग क्लब आर्सनललाई २-१ गोल अन्तरले पराजित गर्दै सो ट्रफी जितेको हो ।

बार्सिलोनाको जितमा लुइस स्वरेजले खेलको ९०औ मिनेटमा निर्णायक गोल गरेका थिए । यस अघि आर्सनलले युवा खेलाडी एन्सले मैटल्याण्ड निल्सको आत्मघाती गोलबाट बार्सिलोनाले बराबरी गोल गरेको थियो ।

आर्सनलका लागि पिएररे एमरिक अउबामेयांगले सुरुवाती गोल गर्दै आर्सनललाई अग्रता दिलाएका थिए ।

यस खेलमा लियोनेल मेसी भने खेलेका थिएनन् ।

बार्सिलोनाले अब प्रि-सिजन अन्तर्गत इटालियन क्लब नापोलीसँग दुई खेल खेल्ने तालिका रहेको छ ।