भ्यालेन्सियामाथि एटलान्टाको गोल वर्षा

च्याम्पियन्स लिगको अन्तिम १६ को पहिलो लेगमा इङ्लिस क्लब टोटनहम हटस्पर्स जर्मन क्लब आरबी लेइपजीगसँग १–० गोल अन्तरले पराजित भएको छ । लेइपजिगको जीतमा एक मात्र गोल टिमो वेर्नरले गरे ।

खेलमा घाइते रहेका सन हिउङ मिन र ह्यारी केन बिना नै मैदानमा उत्रेको स्पर्सले विपक्षीको पोष्टमा उल्लेख्य आक्रमण गर्न असफल भएको थियो । गोलकिपर ह्युगो लोरिस नायक बन्दा मात्र स्पर्स ठूलो गोलअन्तरले पराजित हुनबाट जोगिएको थियो ।

खेलको ५८ औँ मिनेटमा वेर्नरले पेनाल्टीबाट निर्णयक गोल गर्दै लेइजीगलाई जीत दिलाएका थिए ।

टोटनह्यामले अब शनिबार इङ्लिस प्रिमियर लिगमा स्टिाम्फोर्ड ब्रिजमा अब चेल्सीको सामना गर्नेछ ।

उता, स्पेनिस क्लब भ्यालेन्सिया भने एटलान्टासँग ४–१ ले स्तब्ध बनेको छ ।

एटान्टाको जीतमा हान्स हाटेबोएरले दुई तथा जोसिप इलिसिच र रेमो फ्रेउलरले एक–एक गोल गरे । भ्यालेन्सियाका लागि डेनिस चेरसेभले सान्तवना गोल फर्काए ।