प्रकाशित मिति : बिहिबार, जेष्ठ ८, २०७७
नवलपरासी, जेठ ८ । नवलपरासीमा पत्रकारहरुको कोरोना बिमा गरिएको छ ।
पत्रकार महासंघ पश्चिम नवलपरासी जिल्ला शाखाले शाखामा आवद्ध पत्रकारहरुको कोरोना बिमा गराएको हो ।
कोरोना संक्रमणको उच्च जोखिमकाबीच समाचार संकलन गर्नुपरेकाले ४९ जना पत्रकारको बिमा गरिएको शाखा अध्यक्ष हरि शर्माले बताए ।
जनरल इन्स्योरेन्स कम्पनी लिमिटेड शाखा कार्यालय, पश्चिम नवलपरासीमार्फत् प्रतिव्यक्ति ५० हजार रकम बराबरको बिमा गरिएको हो ।
बिमावापत् लाग्ने सम्पूर्ण खर्च पत्रकार महासंघ जिल्ला शाखाले व्यहोरेको छ ।
पत्रकारको ‘पीसीआर रिपोर्ट पोजिटिभ’ आए बिमा रकम उपलब्ध हुने बिमा कम्पनीका शाखा प्रबन्धक नारायण न्यौपानेले जानकारी दिए ।
© copyright 2016-2019 and all right reserved to jaljalakhabar | Site By : sobij
