प्रकाशित मिति : शनिबार, जेष्ठ १०, २०७७
वीरगन्ज, जेठ १० । वीरगन्जस्थित नारायणी अस्पतालको ‘आइसोलेसन’मा उपचाररत्मध्ये नौजना शनिबार ‘डिस्चार्ज’ भएका छन् ।
कोरोना परीक्षणको पछिल्ला ‘रिपोर्ट नेगेटिभ’ आएपछि नौजनालाई डिस्चार्ज गरिएको नारायणी अस्पतालका डा. मदन उपाध्यायले जानकारी दिएका छन् ।
डिस्चार्ज हुनेहरुमा पर्सा र रौतहटका तीन/तीनजना, बाराका दुईजना र एकजना भारतीय नागरिक छन् ।
नौजना डिस्चार्ज भएसँगै नारायणी अस्पतालमा उपचाररत् कोरोना संक्रमितको संख्या ६२ रहेको छ ।
शुक्रबारमात्र २१ जना कोरोना संक्रमित अस्पतालबाट निको भएर डिस्चार्ज भएका थिए ।
© copyright 2016-2019 and all right reserved to jaljalakhabar | Site By : sobij
