विश्वभर कोरोना संक्रमितको संख्या ५६ लाख नाघ्यो, ३ लाख ४८ हजारको मृत्यु

काठमाडौं, जेठ १३ । विश्वमा कोरोना महामारीका कारण मृत्यु हुनेको संख्या ३ लाख ४८ हजार नाघेको छ ।

५६ लाख ११ हजार बढी संक्रमित मध्ये २३ लाख ८८ हजार उपचार पछि निको भएका छन् ।

५३ हजार १सय बढी संक्रमितको अबस्था गंभिर छ भने बाँकीको अवस्था मध्यम रहेको छ ।

पछिल्लो तत्थ्यांक अनुसार अमेरिकामा कोरोना संक्रमणका कारण मृत्यु हुनेको संख्या १ लाख नजिक पुगेको छ ।

संक्रमितको संख्या १७ लाख ६हजार नाघेको छ । बेलायतमा २ लाख ६१ हजार संक्रमित मध्ये ३६ हजार ९सय बढीको मृत्यु भएको छ ।

इटालीमा २ लाख ३० हजार १ सय ५८ बढी संक्रमित र ३२ हजार ८ सय बढीको मृत्यु भएको छ ।

फ्रान्समा १ लाख ८२ हजार ९ सय बढी संक्रमित हुंदा मृत्यु हुनेको संख्या २८ हजार ४ सय नाघेको छ ।

यस्तै स्पेनमा २ लाख ८२ हजार ४ सय बढी कोरोना संक्रमित मध्ये २६ हजार ७ सय बढीको मृत्यु भएको छ ।

ब्राजिलमा ३ लाख ७६ हजार ६ सय बढी संक्रमित हुंदा २३ हजार ५ सय बढीको मृत्यु भएको छ ।

उता जर्मनीमा १ लाख ८० हजार ८ सय बढी संक्रमित र ८ हजार ४ सय बढीको मृत्यु भएको छ ।

चीनमा ८२ हजार ९ सय ९२ कोरोना संक्रमित हुंदा मृत्यु हुनेको संख्या ४ हजार ६ सय ३४ पुगेको छ ।

यसैगरी भारतमा कोरोना संक्रमितको संख्या १ लाख ४६ हजार ३ सय नाघ्दा ४ हजार १ सय बढीकोे मृत्यु भएको छ ।

पाकिस्तानमा हालसम्म १ हजार १ सय ९७ जनाको मृत्यु हु्ँदा ५७ हजार ६७ सय बढी संक्रमित भएका छन् । (एजेन्सी)