च्याम्पियन्स लिगमा बार्सिलोना र पीएसजी भिड्दै

काठमाडौं । च्याम्पियन्स लिग फुटबल अन्तर्गत पहिलो लिगमा मंगलबार राति स्पेनिस क्लब बार्सिलोनाले आफ्नै मैदानमा फ्रान्सेली क्लब पेरिस सेन्ट जर्मेन पीएसजी सँग प्रतिस्पर्धा गर्दैछ ।

बार्सिलोनाको घरेलु मैदानमा हुने दुई टोलीबीचको खेल राति १ः४५ मा सुरु हुनेछ । लियोनल मेसीको कप्तानीमा उत्रने बार्सिलोना यो सिजन खासै राम्रो प्रदर्शन गर्न सकेको छैन ।

तर, ला–लिगको पछिल्लो खेलमा फराकिलो जित निकालेको बार्सिलोना आजको खेलमा पनि सहज जित निकाल्ने योजनामा छ ।

यता नेयमारविना नै मैदानमा उत्रने पीएसजी बार्सिलोनासँग सन् २०१६÷१७ को च्याम्पियन्स लिगको अन्तिम १६ मा व्यहोरेको फराकिलो हारको बदला लिने योजनामा छ । त्यतिबेला पहिलो लेगमा ४–० को जित निकालेको पीएसजीले दोस्रो लेगमा ६–१ को हार व्यहोरेको थियो ।

आजको खेलमा केलियन एम्बाप्पेले पीएसजीको लाइन सम्हाल्ने छन् । बार्सिलोनामा भने एन्टोनी ग्रिजम्यान, पेड्रीलगायतका खेलाडीकासाथ मैदानमा उत्रदैछ ।