प्रकाशित मिति : आइतवार, असार २७, २०७८
काठमाडौं, असार २७ । क्रियाशील सदस्यता वितरण धाधली भएको भन्दै नेपाली कांग्रेसको केन्द्रीय कार्यालयमा धर्ना शुरु भएको छ ।
१४ औं महाधिवेसनको सम्मुखमा क्षेत्रीय सभापतिहरुले आफुखुसी सदस्यता वितरण गरेको भन्दै नेपाली कांग्रेस बारा जिल्लाले धर्ना शुरु गरेको हो ।
संस्थापन पक्षनिकट जिल्ला सभापति र क्षेत्रीय सभापतिहरु मिलेर २० वटा भन्दा धेरै वडाका सभापतिहरुले सिफारीस गरेको नाम काटेर आफू निकटलाइ सदस्यता बाडेको भन्दै उनीहरु धर्नामा बसेका हुन् ।
क्रियाशील वितरणमा बैठक नबसेको, वडा सभापतिहरुलाई शतप्रतिशत नयाँ सदस्यताको फारम नदिएको, आफू खुसी मनपरि गरेको भन्दै उनीहरु धर्नामा बसेको जानकारी दिए ।
आइतबारबाट शुरु भएको धर्ना आफ्नो माग सम्बोधन नभएसम्म जारी राख्ने उनीहरुले बताएका छन् ।
© copyright 2016-2019 and all right reserved to jaljalakhabar | Site By : sobij
