प्रकाशित मिति : शुक्रबार, जेष्ठ १७, २०७६
सप्तरी । सप्तरीमा भ्यान दुर्घटना हुँदा एक महिलाको मृत्यु भएको छ भने ४ जना घाइते भएका छन्।
शुक्रबार करिब ३ बजेतिर सुरुङ्गा नगरपालिका ५ कुशहामा यात्री चढाइरहेको भ्यानलाई पछाडिबाट मिनी ट्रकले ठक्कर दिँदा सुरुङ्गा नगरपालिका ७ की ६५ वर्षीया हदिसा खातुनको मृत्यु भएको जिल्ला प्रहरी कार्यालय सप्तरीले डिसी नेपाललाई जनाएको छ।
पूर्वबाट पश्चिमतिर जाँदै गरेको ना १ ज ५५५६ नम्बरको भ्यानलाई सोही दिशाबाट जाँदै गरेको १ क २१२० नम्बरको मिनी ट्रकले पछाडिबाट ठक्कर दिएको थियो।
दुर्घटनामा एक बालकसहित चारजना घाइते भएका छन्। घाइतेको लहानस्थित सप्तऋषी अस्पतालमा उपचार भइरहेको प्रहरीले जनाएको छ।
© copyright 2016-2019 and all right reserved to jaljalakhabar | Site By : sobij
