रोल्पाको होलेरीमा निशुल्क आँखा अप्रेसन सिबिर चलाईदै

लक्षीराम थापा होलेरी रोल्पा १८ जेष्ठ २०७६, शनिबार

रुन्टीगढी गाउँपालिकाको आर्थिक सहयोग,तिलगंगा आँखा प्रतिष्ठान काठमाडौ तथा सामुदायिक आँखा उपचार केन्द्र रोल्पाको प्राविधिक सहयोग र नेपाल रेडक्रस सोसाइटी उपशाखा होलेरीको आयोजनामा रोल्पाका त्रिवेणी र रुन्तीगढी गाउँपालिकाका १0 स्थानमा निशुल्क आँखा शिविर समपन्न भएको छ। करिब ३000 जनाको परिक्षण भएकोमा १५५ जनाको अप्रेसन हुने भएको छ। तिलगंगाबाट विशेषज्ञ डाक्टर सहितको टोली होलेरी आइसकेको छ ।

यही जेठ १९ र २0 गते होलेरीमा निशुल्क अप्रेसन शिविर सन्चालन हुदैछ। सो सम्बन्धी तयारीका लागि हिजो रेड्क्रस होलेरीले अन्तरक्रिया कार्यक्रमको आयोजना गर्यो। ब्यवस्थापकीय तयारीकै क्रममा भोलेन्टिएर, सरसफाइ तथा थिएटरको काम समपन्न भएको छ।

सम्पूर्ण विरामीहरुलाइ भोलि समयमै आइ सेवा लिन रेडक्रस होलेरीले अनुरोध गरेको छ।