पुर्नसंरचनाको खाकाप्रति देउखुरीदलहरुको आपत्ति

सन्तोषकुमार गुप्ता, देउखुरी । स्थानिय तह पुर्नसंरचना प्राविधिक सहयोग समिती दाङको प्रस्तावित खाकाप्रति देउखुरी राप्तीपारीका सबैजसो राजनितिक दलहरुले गंम्भीर आपत्ती जनाएका छन् । स्थानिय विकास अधिकारी बाहिर गएको बेला जिबिस दाङका योजना अधिकृतले तयार गरेको भनिने उक्त प्रस्तावित खाकामा अमिल्दो र असुहाउादो ढंगले देउखुरी उपत्यकालाई एक गाउँपालिका र एक नगरपालिकाको रुपमा बिभाजन गरिएको भन्दै दलहरुले असहमति प्रकट गरेको बताएका छन् ।

गाउँ—गाउँमा छ्यापछ्याप्ती बितरीत उक्त खाकामा जनसंख्याको बिवरण समेत उल्लेख गरिएको छ । प्रस्ताबित खाकामा सतवरीया, गढवा, राजपुर, वेला र कोईलावासलाई गाउँपालिका बनाईएको छ भने गोबरडिहा, गंगापरस्पुर लालमटिया, सिसहनिया, सोनपुर र चैलाहीलाई प्रस्तावित राप्ती नगरपालिकामा राखिएको छ ।

जस अनुसार गढवा गाउँपालिकाको वडा नं.१ को रुपमा कोईलावास गाबिस पुरै, गढवा गा बि सका १, २, ३ र ५ नं वडालाई २ नं, गढवाकै ४, ६, ७, ८ र ९ लाई वडा नं. ३, बेला गाबिसका वडा नं. १, २ र ३ लाई वडा नं. ४, बेलाकै ४, ५, ६, ७, ८ र ९ लाई प्रस्तावित गढवा गाउापालिकाको वडा नं.५ तोकिएको छ ।

त्यसैगरी राजपुर गा वि सका वडा नं. १ देखि ७ सम्मलाई वडा नं. ६, राजपुरकै ८ र ९ लाई वडा नं. ७ उल्लेख गरिएको छ । त्यस्तै सतबरिया गबिसका वडा नं.६, ७, ८ र ९ लाई वडा नं. ८ तथा सतबरियाकै वडा नं. १ देखि ५ सम्मलाई प्रस्तावित गाउँपालिकाको वडा नं. ९ प्रस्ताब गरिएको छ ।

यसैगरी प्रस्तावित राप्ती नगरपालिकामा गोबरडिहा गाबिसलाई वडा नं. १ र २, गंगापरस्पुर पुरै गाबिस लाई वडा नं. ३, लमही नगरपालिकालाई ५, ६, ७ र ८, सिसहनिया गाबिसलाई ९ र १०, तथा लालमटिया गाबिसलाई ११ र १२ वडामा बिभाजन गरिएको छ । प्

रस्तुत खाकाप्रति नेपाली काँग्रेस, नेकपा एमाले, नेकपा माओवादी केन्ऽ, राष्टिय जनमोर्चा, संघिय समाजवादी फोरम नेपाल र मधेसी जनाधिकार फोरम लोकतान्त्रिकलेले लिखित असहमति प्रकट गरी जिल्ला बिकास समितिको स्थानिय तह पुर्नसंरचना प्राविधिक सहयोग समितिलाई बुझाई मिल्दो र सुहाउादो ढंगले सिमााकन गर्न आग्रह गरेका छन् ।