राष्ट्रनिर्माणमा नागरिकको भूमिका खोतल्दै ‘नागरिक समुह’

काठमाडौं । भ्रष्टाचार तथा अनियमितताको विरोधका साथै संविधान कार्यान्वयनका लागि दलहरुलाई सकारात्मक दवाव दिँदै आएको यूवाहरुको समूह नागरिक समूहले ‘राष्ट्र निर्माणमा आम नागरिकको भूमिका’ विषयक विशेष समारोह गर्ने भएको छ ।

शुक्रबार राजधानीको आर्मी अफिसर्स क्लबमा मन्त्रिपरिषद्का पूर्व अध्यक्ष खिलराज रेग्मीको प्रमुख आतिथ्यतामा कार्यक्रम हुन लागेको नागरिक समूहका महासचिव जयराम सिग्देलले जानकारी गराए ।

उक्त समारोहमा मुख्य सचिव सोमलाल सुवेदी, पूर्व प्रधान सेनापति रुक्मांगद कटवाल, पूर्व प्रधानन्यायाधिशहरु, न्यायाधिशहरु, अर्थविद्, सचिवहरु, संवैधानिक अंगका प्रतिनिधिहरुको समेत उपस्थिती रहने बताइएको छ ।

सो कार्यक्रमबाट नेपाली सेनाका पूर्व प्रवक्ता एवं राष्ट्रिय सेवा दलका कायममुकायम निर्देशक उपरथी रमीन्द्र क्षेत्रीलाई नागरिक अभिनन्दन–२०७३ बाट अभिनन्दन गरिने समेत कार्यक्रम रहेको आयोजकले बताएको छ ।