प्रकाशित मिति : शुक्रबार, बैशाख २६, २०७७
कैलाली, वैशाख २६ । धनगढीकी कोरोना संक्रमित एक महिला उपचारपछि निको भएर शुक्रबार ‘डिस्चार्ज’ भएकी छन् ।
सेती प्रादेशिक अस्पताल धनगढीमा उपचाररत् उनको लगातार दुई पटकसम्म ‘रिपोर्ट नेगेटिभ’ आएपछि डिस्चार्ज गरिएको सेती अस्पतालका कोरोना रोग उपचार विभाग प्रमुख शेरबहादुर कमरले बताए ।
३५ दिनदेखि सेती अस्पतालमा उपचाररत् धनगढी उपमहानगरपालिका वडा नम्बर–५ की ३४ वर्षीया महिलाको छपटकसम्म गरिएको ‘थ्रोट स्वाब’ परीक्षणको रिपोर्ट ‘पोजिटिभ’ आएको थियो ।
उनी डिस्चार्ज भएसँगै सुदूरपश्चिम प्रदेशका संक्रमित सबै पाँचजना निको भएर घर फर्किएका छन् ।
© copyright 2016-2019 and all right reserved to jaljalakhabar | Site By : sobij
