दाङमा अक्सिजनको आपूर्तिमा कमि हुँदा बिरामीको जीवन कष्टकर बन्दै।

सागर ओली, घोराही दाङ।

दाङमा अक्सिजनको आपूर्तिमा कमि हुँदा कोरोना संक्रमित बिरामी अस्पतालमा पुगेपनि झन पछी झन समस्या हुँदै गएको छ।सिलिन्डरको अभावमा अक्सिजन रिफिलिङ हुँन नसक्दा यो अबस्था आएको हो।

अक्सिजनको आपूर्तिमा कमि हुन गै उपचार हुँन नसक्दा बिरामीले कष्टकर जीवन भोग्नुपरेको हो।

यदि यहीँ अबस्था रहेमा घर घरमा सिंह दरबार भन्ने नारा,नारा मै सीमित हुने छ।

यस्तो अवस्था हुँदासम्म दाङ जस्तो जिल्लामा हालसम्म ४३ वटा बेड भएको अस्पताल छ जहाँ ५९ बिरामी छ्न, बेड बाहेकका अरु सबै भुइँमा छन्।

त्यसैगरी राप्ती स्वास्थ प्रतिष्ठान घोराहीमा १७ जना बिरामी छन्।

अहिलेसम्म अस्पतालमा बेडको अभावको कारणले घर घरमा बसी १५ सयभन्दा बढीले उपचार गर्दै आएको स्वास्थकर्मचारीहरुले बताएका छन्।

उता दाङका प्रमुख जिल्ला अधिकारी दीर्घ नारायण पौडेलको सहभागितामा अक्सिजनको कमि भएकोले कसरी आपूर्ति गर्न सकिन्छ भन्ने उदेश्यले कोरोना बिशेष अस्पताल बेलझुण्डीमा एक बैठक बसी ठुला उद्योगबाट सीलिन्डरको तथ्याकं लिई आपूर्तिको लागि पहल भएको र यहाँ भएका सीलिन्डर रिफिलिङको लागि नेपालगंज पठाईएको अस्पतालका ब्यबस्थापक द्रोण ओलीले जानकारी दिनु भयो।

अहिलेसम्म कोरोनाका कारण यो बर्ष यो जिल्लामा ३३ जनाको मृत्यु भएको तथ्यांक छ।

जस्मा २४ जना दाङका अस्पतालमा र ९ जना दाङ घर भएका तर मृत्यु बाहिर जिल्लामा मृत्यु भै यहाँ ल्याईको कोरोना बिशेष अस्पतालले बताएको छ।

राज्य चलाउनेहरुले कुर्सीमा लडाइँ गर्न मात्रै लागेको देखिन्छ, त्यसतर्फ ध्यानाकर्षण हुन नसके ठुलो संख्यामा जनको क्षती हुने निश्चित छ।

त्यसैले समय मै सम्बन्धित पक्ष सजग भै त्यहीँ अनुसारको समयमा काम गरे

बाताबरण सहज हुने जनताको ज्यानको सुरक्षा हुने छ।