प्रकाशित मिति : आइतवार, बैशाख २६, २०७८
दाङ। दाङको तुलसीपुरस्थित कारागारमा रहेका एक कैदी मृत फेला परेका छन् ।
२०६८ सालदेखि कर्तब्य ज्यान मुद्दामा सजाय भोगिरहेका सल्यान कपुरकोट गाउँपालिका वडा नम्बर– ३ का ४६ बर्षीय खड्क बुढाथोकी मृत फेला परेका हुन् ।
बुढाथोकी आज बिहान मृत अवस्थामा फेला परेको इलाका प्रहरी कार्यालय तुलसीपुरका प्रमुख डिएसपी शिबबहादुर सिंहले जानकारी दिनुभयो ।
बुढाथोकी शनिवार बेलुका खाना खाएर सुतेको र बिहान उठाउँदा नउठेपछि गएर हेर्दा मृत अवस्थामा फेला परेको डिएसपी सिंहले बताउनुभयो ।
बुढाथोकीमा कुनैपनि स्वास्थ्य समस्या रहेको भन्ने कुरा खुल्न नआएको डिएसपी सिंहले बताउनुभयो ।
© copyright 2016-2019 and all right reserved to jaljalakhabar | Site By : sobij
