सामुदायिक रेडियोको नेतृत्वमा को-को भिड्दैछन ?

काठमाडै । सामुदायिक रेडियो प्रशारक संघ, नेपालको छैठौं अधिवेशन काठमाडौंमा सुरु भएको छ ।

शुक्रबार सूचना तथा संचारमन्त्री सुरेन्द्र कुमार कार्कीले एक कार्यक्रमकाबीच अधिवेशनको उदघाटन गरेका हुन् ।

सामाजिक रुपान्तरणका लागि सामुदायिक रेडियो भन्ने मूल नाराका साथ आयोजना गरिएको अधिवेशनमा देशभरबाट करिव ३ सय भन्दा बढि प्रतिनिधि, पर्यवेक्षकहरु सहभागी भएका छन ।

समुदायमा रेडियोको पहुँच पु¥याउने उद्देश्यका साथ सामुदायिक रेडियो संघको स्थापना विक्रम संवत २०५९ साल साउन २८ गते गरिएको थियो ।

संघमा २ सय ८७ जना सदस्य आवद्ध रहेका छन । लोकतन्त्र, कानुनको शासन र मानव अधिकारमा आधारित सुशासनको अवधारणालाई सामुदायिक रेडियोले अनुशरण गर्दै आएको विश्वास गरिन्छ ।

सामुदायिक रेडियो प्रशारक संघले ७० वटा भन्दा बढि भाषामा सूचना, सन्देश, जानकारी र मनोरञ्जनात्मक कार्यक्रम प्रशारण गरिरहेको संघले जनाएको छ ।

अधिवेशन नेतृत्व पनि चयन गर्नेछ ।

अधिवेशनमा अध्यक्षका लागि काँग्रेसबाट किशोरजंग थापालाई उम्मेदवारी बनाइएको छ भने एमालेले सुवाष खतिवडालाई अघि सारेको छ ।

संघको निर्वाचनमा एमाले विरुद्ध सत्तापक्ष एक ठाउँमा उभिएको बताइएको छ ।

संघमा पार्टीगत आधारमा एमालेको मतदाता धेरै रहेको मानिन्छ ।