बुटवल-नारायणगढ सडक अवरूद्ध, दिउँसोसम्म खुल्ने

नवलपुर । गएरातिदेखि परेको पानीले डाइभर्सन बगाउँदा बुटवल-नारायणगढ सडक खण्ड बिहानदेखि अवरुद्ध बनेको छ ।

सो सडक खण्ड अन्तरगत पर्ने पश्चिम नवलपरासीको सुनवलस्थित बडेरा र ज्यामिरेमा बनाईएको डाइभर्सन खहरे खोलामा आएको बाढीले बगाएको हो ।

सडक विस्तारका क्रममा ती स्थानमा पुल निर्माण भई रहेको छ । त्यसक्रममा बनाइएका डाइभर्सन बगाएको हो ।

सडकको डाइभर्सन बनाउने काम भइरहेको र पानी नपरे २ बजेभित्र सडक सञ्चालनमा आउने प्रमुख जिल्ला अधिकारी धर्मेन्द्र कुमार मिश्रले जानकारी दिनुभयो ।

राजमार्ग भएर पूर्व पश्चिम जाने सवारीसाधनलाई भैरहवा परासी सडक हुँदै आवतजावत गराइएको जिल्ला प्रहरी कार्यालयका उपरीक्षक मनोज कुमार यादवले जानकारी दिनुभयो ।