प्रकाशित मिति : शनिबार, माघ १, २०७३
चौतारा । सेवाग्राहीलाई गाउँघरबाटै सुविधा प्रदान गर्ने उद्देश्यले सिन्धुपाल्चोकको ठोकर्पा गाविसमा घुम्ती शिविरबाट पाँच सय ३८ जनालाई नागरिकताको प्रमाणपत्र वितरण गरिएको छ ।
जिल्लास्थित सरकारी कार्यालयद्वारा बिहीबार आयोजित शिविरबाट ठोकर्पा, कालिका, यमुनाडाँडा, सुनखानी र लिसङ्खुसहित पाँच गाविसका बासिन्दालाई विभिन्न सेवा प्रदान गरिएको जिल्ला प्रशासन कार्यालयले जनाएको छ ।
टाढा टाढाबाट आएका सेवाग्राहीलाई ध्यानमा राखी चिसोमा समेत राति ९ बजेसम्म बसेर सेवा प्रदान गरिएको कायम मुकायम प्रजिअ अन्तरबहादुर सिलवालले बताए ।
© copyright 2016-2019 and all right reserved to jaljalakhabar | Site By : sobij
