प्रकाशित मिति : मङ्लबार, माघ १८, २०७३
कञ्चनपुर । शुक्लाफाँटा राष्ट्रिय निकुञ्जका गेम स्काउट(संरक्षणकर्मी) पदमा कार्यरत २५ वर्षीय नरेन्द्र कुँवर आज बसको ठक्करबाट सख्त घाइते भएका छन् ।
पूर्वपश्चिम राजमार्गको अर्जुनी ब्यारेकबाट भीमदत्तनगरतर्फ जाँदै गरेको ना ५ ख ९६४७ ननंको बसले ठक्कर दिँदा कुँवर घाइते भएको इलाका प्रहरी कार्यालय झलारीका प्रहरी सहायक निरीक्षक जगतबहादुर मल्लले बताए ।
घाइते कुँवरलाई तत्कालै महाकाली अञ्चल अस्पतालमा उपचारार्थ भर्ना गरिए पनि उपचार हुन नसकेपछि थप उपचारका लागि भारतको बरेली लगिएको छ । ठक्कर दिने बस र चालक इप्रका झलारीको नियन्त्रणमा छन् ।
© copyright 2016-2019 and all right reserved to jaljalakhabar | Site By : sobij
