श्रीकृष्णको जन्म गाउँ पुगिन् स्वेता , भनिन् एकिकृत बस्ती बनाइदिन्छु

काठमाडौं । अभिनेत्री स्वेता खड्काले सिन्धुपाल्चोकको माझी बस्तीमा एकिकृत बस्ती निर्माण गर्ने बताएकी छन् । शनिबार भूकम्पबाट प्रभावित सिन्धुपाल्चोकको ठूलो सिरुवारीस्थिती झ्याँडी गाउँमा सहयोगका लागि पुगेकी उनले सोही स्थानको माझी बस्ती अवलोकन गर्दै बस्ती निर्माणमा आफुले सहयोग गर्ने बताएकी हुन् ।

भूकम्प पछि थलिएको माझी बस्ती अझै उठ्न सकेको छैन । सो बस्तीलाई नमुना बस्ती बनाउने उनले योजना अगाडि सारिन् ।

स्व. अभिनेता श्रीकृष्ण श्रेष्ठ जन्मजिल्ला भएकोले पनि अभिनेत्री स्वेतालाई ‘भाउजु, बुहारी’ सम्बोधन स्थानियले भव्य स्वागत गरेका थिए ।

स्वेताले पनि आफु हजुरहरुकै भाउजु, बुहारी हुँ भन्दै सम्बोधन गरेर स्थानियको मन राखिन् ।

स्वेता पहिलो पटक यो बस्ती पुगेकी हुन् । सोही अवसरमा स्थानिय कलाकारले स्वेताको स्वागतमा गीत तथा र नृत्य समेत प्रस्तुत गरे । स्वर्गिय पति श्रीकृष्णको चाहना पुरा गर्न आफु समाज सेवामा देखिएको उनले बताइन् ।