प्रकाशित मिति : बुधबार, फाल्गुन ४, २०७३
तेह्रथुम । ईलाका प्रशासन कार्यालय संक्रान्तिबजार स्थापना भएको ९ महिनापछि कार्यालयमा राष्ट्रिय झन्डा राखिएको छ । बुधबार धार्मिक परम्परा अनुसार प्रशासन परिसरमा ‘झन्डोतोलन’ सम्बन्धि पूजापाठ गरेर प्रमुख जिल्ला अधिकारी मनुका न्यौपानेले राष्ट्रिय भन्डातोलन गरेकी हुन् । ईलाका प्रशासन कार्यालय स्थापनासंगै राख्नु पर्ने भएपनि, झन्डा राख्ने पूर्वाधार र सामग्रीको अभावले अहिले मात्र झन्डा राखिएको ईलाका प्रशासन कार्यालयले जनाएको छ ।
संक्रान्तिबजारमा गत जेठ ३ गते कार्यालय स्थापना भई सेवा सुरु भएको थियो । कार्यालयबाट आठराई क्षेत्रका ह्वाकू, ईवा, छातेढुङ्गा, चुहानडाँडा, थोक्लुङ, संक्रान्तिबजार, खाम्लालुङ, सम्दु र ईसिबु गाविसबासीले नागरिकता, राहदानी, नागरिकताको प्रतिलिपि, राहदानी सिफारिस, जाति तथा नाताप्रमाणित सम्बन्धि सिफारिस लगायतका प्रशासनिक सेवा पाउदै आएका छन् ।
© copyright 2016-2019 and all right reserved to jaljalakhabar | Site By : sobij
