घुस काण्डमा सामसङका उपाध्यक्ष पक्राउ

घुस काण्डमा सामसङ इलेक्ट्रोनिकसका उपाध्यक्ष लि जे योंगलाई शुक्रबार पक्राउ गरिएको छ । उनीमाथि दक्षिण कोरियाका राष्ट्रपति पार्क ग्यून हेईलाई ४० मिलियन डलर घुस दिन कोसिस गरेको आरोप छ । यसो गरेबापत् उनी दुई कम्पनीलाई एउटै बनाउनका लागि आवश्यक मद्दत चाहन्थे ।

कम्पनीका शीर्ष अधिकारी पक्राउ परेपछि सामसङको सेयरमा गिरावट आएको छ । स्मरण रहोस्, सामसङ स्मार्टफोन र मेमोरी चिप्स बनाउन संसारको चर्चित कम्पनीमा सम्मिलित छ । यता सामसङले बयान जारी गर्दै कम्पनीले कुनै घुस नदिएको र राष्ट्रपतिको मद्दतका लागि नगुहारेको बताएको छ ।

– मिडिया रिपोर्ट अनुसार सियोल अदालतमा १० घण्टासम्म सुनुवाईपश्चात् योंगलाई पक्राउ गरियो । त्यसपछि ४८ वर्षका योंगसँग सोधपुछ भयो ।

– योंग देशको निकै धनी परिवारमा जन्मिएका हुन् । पहिले पनि उनीसँग सम्बन्धित विभिन्न विवाद सार्वजनिक भइसकेका छन् ।

– उनका पिता ली कुन ही सामसङ ग्रुपका अध्यक्ष हुन् । सन् २०१४ मा पिताको हृदयघातपश्चात् योंगले कम्पनीको बागडोर आफ्नो हातमा लिएका छन् ।

– ग्यालेक्सी नोट सेभेनमा आइरहेको खराबीपछि कम्पनीको प्रतिष्ठामा कमी आइरहेका बेला योंगलाई सजायँ भए सामसङको व्यवसायमा ठूलो असर पर्ने विज्ञहरुको मान्यता छ ।

– घुस काण्डमा सामसङका एक ठूला अफिसलाई पनि पक्राउ पुर्जा जारी गरिएको थियो । दक्षिण कोरियाको अर्थ व्यवस्थामा सामसङको निकै महत्वपूर्ण भूमिका छ ।