प्रकाशित मिति : आइतवार, कार्तिक ५, २०८०
पाल्पा । पाल्पाको रानीमहल तानसेन सडक खण्डको बैकुण्ठे भिर भन्ने ठाउँमा जीप दुर्घटना हुँदा ६ जनाको मृत्यु भएको छ ।
दुर्घटनामा मृत्यु हुनेमा तीन महिला, दुई बालक र एक पुरुष रहेको जिल्ला प्रहरी कार्यालयका प्रमुख हेरम्ब शर्माले जानकारी दिनुभयो ।
दुर्घटनामा गम्भीर घाइत एक जनाको उद्धार गरिएको जिल्ला प्रहरीले जनाएको छ । ज्यान गुमाउनेको परिचय भने अझै खुल्न सकेको छैन ।
आइतबार बागमती प्रदेशको ७२०९ नम्बरको जीप दुर्घटनामा परेको हो । दुर्घटना स्थल निकै ठूलो भिर र खोला परेकोले उद्धारमा कठिनाइ समेत भएको जिल्ला प्रहरी कार्यालय पाल्पाका प्रमुख शर्माले बताउनुभयो । घटनास्थलमा अहिले नेपाली सेना, नेपाल प्रहरी र सशस्त्र प्रहरीको साथै स्थानियको सहयोगमा शव निकाल्ने काम भईरहेको छ ।
© copyright 2016-2019 and all right reserved to jaljalakhabar | Site By : sobij
