पूर्वयुवराज पारसको साथीसहित ९ जनाको यस्तो छ ‘जोगी अवतार

काठमाडौं । पूर्वआइजीपी हेमबहादुर सिंहका छोरा प्रबजन औपचारिक रुपमै जोगी भएका छन् ।
गत माघ १९ गते सरस्वती पूजाको दिन उनीसहित ९ जनाले कान चिरेर समाधि लिएकोमा मंगलबार जोगीको रुपमा बाहिर निस्केका हुन् ।

राष्ट्रगुरु योगी नरहरिनाथले समाधी लिएको दिनको अबसर पारेर २० दिनको शिव गोरखनाथ दर्शन धारणा साधना पछि सिंहसहित ९ जना औपचारिक रुपमै जोगिको भेषमा बाहिर निस्केका हुन् ।
जोगी बनेसँगै प्रवजनले आफ्नो नाम योगी ब्याग्र वेदनाथ राखेका छन् । जोगी बनेसँगै योगी ब्याग्र वेदनाथ अब मृतस्थलीमै बस्ने बताइएको छ ।

केही वर्षयता योगी ब्याग्र वेदनाथले सन्यासी जीवन बिताउँदै आएका थिए ।
परिवार त्यागेर २०७० साल जेठ ११ गते गुरु योगी शीर्षनाथबाट दिक्षा लिएर सन्यासी जिवन जीउन थालेका उनी पूर्वयूवराज पारस शाहका बाल्यकालदेखि कै साथी समेत हुन् ।