पशुको स्वास्थ्य चेकजाँच

कमल खड्का , रसुवा । अन्तराष्ट्रिय गैर सरकारी संस्था अक्सफामको आर्थिक सहयोगमा नुवाकोटको सामरी, खड्गभञ्ज्याङ र बुधसिङ गाँउ बिकास समितिमा २ दिन सम्म सञ्चालन भएको पशु शिबिरमा करीब १५ सय घरधुरीका नागरिकह्रुले आफ्नो पशुको स्वास्थ्य चेकजाँच गरेका छन् । अभियानमा सहभागी भएका पशुहरुलाई नाम्लेको औषधि र भिटामिन बितरण गरेको सहायता सामाजिक संस्थाले जनाएको छ ।

सामरी गाँउ बिकास समिति ४ वटा बितरण केन्द्र, बुधसिङ गाँउ बिकास समितिमा ५ बितरण केन्द्र र खड्गभञ्ज्याङ गाँउ बिकास समितिमा ५ वटा बितरण केन्द्र मार्फत २ दिन सम्म् नाम्लेको औषधि र भिटाकिन बितरण गरेको थियो ।

भुकम्प पछी नागरिकहरुको जिबनस्थर उकास्नको लागी अक्सफामको सहयोग सहायता सामाजिक संस्थाले बिभिन्न कार्यक्रमहरु सञ्चालन गरिरहेको नारायण अधिकारीले बताउनु भयो ।

२ दिन सम्म सञ्चालन गरेको पशु स्वास्थ्य अभियानको कार्यक्रमलाई सम्बोधन गर्नु हुँदै जिल्ला पशु सेवा कार्यालय नुवाकोटका प्रमुख खगेन्द्र भट्टले समुदायमा सञ्चालीत पशु सँग सम्बन्धित क्रियाकलापहरुले स्थानिय नागरिकह्रुमा टेवा पुगेको बताउनु भयो ।

ग्रामिण भेगका नागरिकह्रुको आय आर्जनको बाटोको रुपमा रहेको पशु ब्यबसायलाई उकास्नको लागी औषधि बितरण कार्यले सहयोग पुगेको बताउनु भयो ।

यस्तै, कार्यक्रमलाई सम्बोधन गर्नु हुदै सहायता सामाजिक संस्थाका कार्यकारी निर्देशक बशुराम रिजालले भुकम्पका पछिको जनजिबनमा सहयोग पुराउने उदेश्यले पशुहरुलाई औषधि बितरण गरेको बताउनु भयो । पशुहरुलाई नाम्लेको औषधि र भिटामिन बितरण कार्य प्रभाबकारी भएको बताउनु भयो ।

सहायता सामाजिक संस्थाले नुवाकोटको ३ गाँउ बिकास समितिमा कामका लागी नगद, जिबिकोपार्जन उत्थान लगायतका कार्यक्रमहरु सञ्चालन गरिरहेको छ ।