दाङमा मोटरसाइकल दुर्घटना हुँदा २ जनाको मृत्यु

दाङ/दाङमा मोटरसाइकल दुर्घटना हुँदा २ जनाको मृत्यु भएको छ । मृत्यु हुनेमा घोराही उपमहानगरपालिका १८ नवलपुर बस्ने मोटरसाइकल चालक २२ वर्षीय श्रवण कुमार पुन र मोटरसाइकलमा पछाडि सवार घोराही उपमहानगरपालिका ४ का २१ वर्षीय बिनोद केसी रहेको जिल्ला प्रहरी कार्यालय दाङले जनाएको छ ।

प्रहरीका अनुसार बिहीबार बिहान करिब सवा ७ बजेतिर लमहि नगरपालिका ६ बेलदमारमा मोटरसाइकल दुर्घटना भएको थियो । लमहीबाट घोराहीतर्फ आउँदै गरेको रा ८ प २९४० नम्बरको मोटरसाइकल दुर्घटना हुँदा उनीहरु गम्भिर घाइते भएका थिए ।

उनीहरु दुबै अचेत रहेको र उद्धार गरि उपचारको लागि लमही अस्पताल पठाएको र उपचारको क्रममा बिहान करिब ९ बजेतिर डाक्टरले चेकजाँच गर्दा मृत घोषणा गरेको प्रहरीले जनाएको छ । उनीहरूको साथमा फेला परेका कागजात र परिचय पत्रका आधारमा प्रहरीले उनीहरूको पहिचान गरिएको जानकारी दिएको छ ।
मिति २०८१।०६।०३ गते लमही सवारी दुर्घटना