वैज्ञानिकले पत्ता लगाए स्विमिङ पुलमा कति हुन्छ पिसाबको मात्रा, नतिजा सोचेभन्दा बढि

ओलम्पिक साइजको पुलमा स्विमिङ गर्नेहरु ५० ग्यालेन पिसाबले घेरिएको हुने एक नयाँ अनुसन्धानले पत्ता लगाएको छ ।

वैज्ञानिकले पिसाबमा पाइने कृत्रिम स्विटनर प्रयोग गरेर स्विमिङ पुलमा  पिसाबको मात्रा कति हुन्छ भन्ने विषयमा अनुसन्धान गरेका छन् ।

वैज्ञानिकहरु पिसाबमा लगातार रुपमा पाइने   कधभभतभलभच बअभकगािबmभ उयतबककष्गm ९ब्ऋभ्० को सहयोगले पुलमा पिसाबको मात्रा मापन गर्न सफल भएका हुन् ।

उनीहरुले ९१ हजार ५ सय ग्यालेन पुलमा ५.८ ग्यालेन पिसाब हुने र एक लाख ८३ हजार ग्यालेन पुलमा १७ ग्यालेन पिसाब हुने पत्ता लगाएका छन् ।

स्विमिङ गरेपछि यदि आँखा रातो हुन्छ भने बुझ्नुहोस् कि उक्त पूलमा पिसाब मिसिएको छ । वास्तवमा पिसाबमा पाइने नाइट्रोजन क्लोरिनसँग मिलेर क्लोरामाइन हुने गर्दछ जसका कारण मानिसहरुको आँखा रातो हुने गर्दछ ।

क्यानडाका डा. शिंग फ्यांगका अनुसार यो अनुसन्धानमार्फत मानिसहरुलाई स्विमिङ हाइजिनप्रति जागरुक गराउन खोजिएको हो ।

एक सर्वेक्षण अनुसार १९ प्रतिशत मानिसले कम्तीमा पनि एकपटक स्विमिङ पुलमा पिसाब फेरेको स्विकार गरेका छन् । यस्तै धेरैजसो व्यवसायिक स्विमरले पनि यसलाई सामान्य प्रक्रिया बताउने गरेका छन् ।