प्रकाशित मिति : मङ्लबार, चैत्र ८, २०७३
चन्दननाथ नगरपालिका तलिउमका विष्णुबहादुर महत र खोेलीकाटका गगन बुढथापाले सबइन्जिनियर खड्कालाई कुटपिट गरेको पीडितले बताएका छन् ।
सहरी विकास तथा भवन डिभिजन कार्यालय जुम्लाले १० ओटा टेन्डर आह्वान गरेकोमा ती टेन्डर आफूहरुसम्बद्ध कम्पनीको पक्षमा पार्नुपर्ने भन्दै उनीहरुले कार्यालय प्रमुख जगदीश लामिछानेसँग झगडा गरेको र सबइन्जिनियर चन्द्रबहादुर खड्कालाई हातपात गरेको प्रत्यक्षदर्शीले बताएका हुन् ।
मदिरा सेवन गरेका आक्रमणकारीहरुले टेन्डरका लागि परेका निवेदन पनि खोस्ने तथा च्यात्ने कोसिस गरेको कार्यालय प्रमुख जगदीश लामिछानेले बताए ।
आक्रमणपछि भागेका महत र बुढथापालाई प्रहरीले पक्राउ गरेको जिल्ला प्रहरी कार्यालय जुम्लाका प्रहरी नायब उपरीक्षक गुरुविष्णू काफ्लेले जानकारी दिएका छन् ।
© copyright 2016-2019 and all right reserved to jaljalakhabar | Site By : sobij
