प्रकाशित मिति : शुक्रबार, मंसिर १५, २०७४
सेती अन्चल अस्पतालको एआरटी सेन्टर धनगढीमा कार्यरत एड्स हेल्थ केयर फाउन्डेशन नेपालका माधव पन्तका अनुसार पछिल्लो चार महिनामा सेती अन्चल अस्पताल र टीकापुरमा सन्चालनमा रहेको एआरटी सेन्टरमा ५५१ जनाको रगत परीक्षण गरिएको थियो ।
गत वर्ष यी दुवै सेन्टरमा १८५७ जनाको रगत परीक्षण गरिएकामा ११७ जना संक्रमित भएको फेला परेको थियो । कैलालीमा पछिल्ला केही वर्षदेखि एचआइभी संक्रमितको संख्या घट्दै गएको छ ।
जिल्लामा पछिल्लो एकदशक यता (सन् २००६ देखि हाल सम्म) एचआइभी संक्रमितको संख्या तीन हजार ४०३ पुगेकोमा दुई हजार ३७१ जनाले मात्र एआरटी सेवा लिने गरेको तथ्यांक छ ।
हाल एआरटी क्लिनिकमार्फत एक हजार १८९ संक्रमितले सेवा लिइरहेका छन् । एआरटी सेन्टरमार्फत् संक्रमितले एड्सविरुद्धको एआरटी औषधि सेवन गरिरहेका छन् ।
यसैबीच, यस वर्षको विश्व एड्स दिवस कैलालीमा विभिन्न चेतनामूलक कार्यक्रमका साथ मनाउन थालिएको छ ।
अन्र्तक्रिया, हाजिरीजवाफ प्रतियोगिता, बिरामीलाई फलफूल वितरण, एचआइभी परीक्षण, सूचना संदेश प्रसारणलगायतका चेतनामूलक कार्यक्रमका साथ विश्व एड्स दिवस मनाउन लागिएको जिल्ला जनस्वास्थ्य कार्यालयका निरीक्षक महेश चन्दले जानकारी दिए । रासस
© copyright 2016-2019 and all right reserved to jaljalakhabar | Site By : sobij
