दीप ज्योति हस्पिटलमा २७ प्रकारका रोग परिक्षण मेसिन भित्रियो

 दाङ ।  दाङको घोराहीमा रहेको दिपज्योती हस्पिटल दाङ प्रालीले विभिन्न दुई दर्जन बढी रोगहरुको परिक्षण गर्ने नयाँ उपकरण ल्याएको छ ।

फाईन केयर फिया मिटर नामको मेसिन ल्याए सँगै करिब २७ प्रकारका रोगहरुको परिक्षण गर्न सकिने भएको प्रालिका ल्याब टेक्नीसियन राजकुमार पोख्रेलले जानकारी दिए ।

थाईराईड जाँच, सुगर जाँच, मुटुरोग, हृदयघात, रगत जमेको जाँच, बाँझोपना, कलेजो क्यान्सरको जाँच लगाएतका दुई दर्जन बढी रोगको परिक्षण गर्ने गरि नयाँ मेसिन ल्याइएको उनले बताए । रगत र पिसाबमा अधिकांश संक्रमणहरुको पहिचान गर्ने गरि नयाँ उपकरण हस्पिटलले जडान गरेको उनको भनाई छ ।

जाँच सुरु गरेको एक घण्टा मै सबै रिपोटहरु दिन सक्ने मेसिनको क्षमता रहेको छ यसले पनि बिरामीलाई नै फाईदा पुग्छ उनले भने । विभिन्न संक्रमणहरुको कारण पत्ता लगाउन यसले मद्धत पु-याउने उनले जानकारी दिए ।

निजि स्तरबाट खुलेको हस्पिटलले छोटो समयमा नयाँ-नयाँ नयाँ उपकरणहरुबाट र स्तरीय स्वास्थ्य सेवा दिदै आएको छ । उक्त मेसिन पनि दाङ बाटै बिक्रि हुन थालेको छ ।