भारतमा भएको कार दुर्घटनामा एकै परिवारका चार नेपालीको मृत्यु, तीन गम्भीर

तिर्थ यात्राका लागि गएका चार नेपालीले भारतको आजमगढ- गोरखपुर सडकखण्डमा भएको कार दुर्घटनामा परी ज्यान गुमाएका छन्।

सोमबार दिउँसो अज्ञात सवारीले ठक्कर दिँदा भएको दुर्घटनामा परी तीन जना नेपाली गम्भीर घाइते भएको प्रहरीले जनाएको छ।

गोरखपुरबाट बाराणसीको तिर्थ यात्रामा जाँदै गरेका नेपाली सवार कारलाई राजापुर गाउँ नजिकै अज्ञान सवारीले ठक्कर दिएको भारतीय प्रहरीले जनाएको छ।

दुर्घटनामा परी ४१ वर्षीय नविन श्रेष्ठ, उनकी श्रीमती ३८ वर्षीय काञ्जाली श्रेष्ठ, उनका बुबा ६५ वर्षीय गोरख श्रेष्ठ र ३६ वर्षीय भाइ उपेन्द्र श्रेष्ठको निधन भएको प्रहरीले जनाएको छ।

घटनामा परी कार चालक र उनका परिवारका २ महिला घाइते भएका छन्। उनीहरूलाई जिल्ला अस्पतालमा उपचारका लागि भर्ना गरिएको छ।

भारतीय प्रहरीले उनीहरू नेपालको सिन्धुली जिल्लाबाट भारत तिर्थयात्रामा गएको पुष्टी गरेको छ।