समस्याको संघारमा बोहरा

 नारायण वली , नेपालगंज । ३० कार्तिक नेपालगंज स्थित रहेको नेपालगंज मेडिकल कलेज टिचिंग हस्पिटलको अर्थो वाडको वेड नम्बर २१९ मा उपचाररत कालिकोटकि एक वालिका आर्थिक समस्याको संघारमा रहेकी छन् ।

यहि कार्तिक १ गते स्थानीय जंगलमा घाँस काट्न गएको वेला लडेर दाँया हात भाँचिन पुगेको नरहरिनाथ गाउँपालिका-७ उच्छ्प कालिकोटकी शुशिला बोहराले बताईन । उमेरले १३ वर्ष पुगेकी बालिका बोहराको हातको उपचार गर्न नेपालगंज त आईन तर उनले आफ्नो हात पहिलेको जस्तो पाईनन ।

भाँचिएको हात उपचार गरे ठिक हुन्छ होला भन्ने ठानेकी बोहराको हात अन्तत काटिन पुग्दा उनि चिन्तित छिन । एकातिर हात काटिएको उनमा चिन्ता छँदै छ अर्को तिर उपचार गरेको पैसा कहाँ बाट ल्याउने हो भन्ने कुराले उनको मन भारी हुने गरेको उनि बताउछिन । ११ वर्ष अगाडी वावु गुमाई सकेकी बोहरा जिम्मेवार अभिभावक बिहिन छिन ।

ब्लड क्यान्सरका कारण वावुको मृत्यु भएपछी उनको घरमा कमाएर दिने मान्छे कोहि छैन । सन्तानमा दाजु र बहिनि रहेको वताउदै बोहराले भनिन १९ वर्षका उनका दाजु जगत बोहराले उपचारका लागि अस्पताल ल्याएको वताईन । बहिनीको उपचारमा अहोरात्र खटिरहेका दाजु जगत भन्छन् बहिनीको हात भाँचिए पछी स्थानीय मेडिकलमा उपचार हुन नसके पश्चात् कहाँ लैजाने, कसरी लैजाने यस्तै कुराले गम्भीर मोडमा उभ्यायो । बहिनिलाई अर्को तिर दुखाईको पिडा थियो नै , कालिकोट भन्दा मलाई अन्य कुनै ठाउँको बारेमा ज्ञान थिएन ।

त्यो पनि अस्पतालको मामिला । मनमा अनेक कुराहरु खेलिरहेका थिए । स्थानीय एक धिर बहादुर बटालाले बहिनीको उपचारका लागि नेपालगंज सम्म ल्याई पुर्याउने काम गर्नुभयो । साहु संग गाउँले ब्याजमा ऋण लिएर नेपालगंज त आइपुगे अव कसरी उपचार गर्ने यो मेरा लागि निकै ठुलो समस्याको बिषय बन्यो ।

२७ दिन भयो अस्पतालको शैयामा बसेको, तिन पटक अप्रेशन गर्नु पर्छ रे ,दुई पटक भयो अब एक पटक गर्नु पर्नेछ ,घर बाट आउँदा लिएको पैसा औषधिमा सकिन लाग्यो , खाना खाएको त दिएकै छैन ,धेरै लामो समय यहाँ वस्नु पर्छ रे , कसरी बसौ पैसा सकिन लाग्यो दाजु जगतले भने ।