प्रकाशित मिति : बिहिबार, मंसिर ६, २०७५
धनकुटा । पर्यटकको मुख्य आकर्षणको रुपमा रहेको धनकुटाको भेडेटारस्थित भ्यु टावर भत्किएको लामो समयसम्म पुन निर्माण हुन सकेको छैन ।
२०५९ सालमा निर्माण गरिएको सो भ्युटावर २०७२ सालको भुकम्पले जिर्ण बनाएपछि स्थानीय प्रसाशनले भत्काएको थियो ।
तत्कालिन जिल्ला बिकास समिति, गाविस पर्यटन विकास कार्यालय काकडभिट्टाको संयुक्त लगानीमा २०७३ सालमै निर्माण सुरु गरिए पनि त्यसपछि लगानी हुन नसक्दा निर्माण हुन नसकेको हो ।
यस स्थानमा भेडाको प्रतिमा सहितको भ्यु टावर निर्माणको तयारी गरिएको थियो । भ्युटावर भेडेटारको मुख्य आकर्षणको रुपमा रहेको थियो ।
भ्युटावर निर्माण हुन नसक्दा पर्यटन प्रवद्र्धनमा समस्या भएको होटल एसोसीएसन भेडेटारका अध्यक्ष जितेन्द्र रुम्दाली राईले बताए ।
मौसम खुलेको बेला यहाँबाट सप्तकोशी नदी, पहाडि श्रृंखला, विभिन्न हिमालको मनोरम दृष्यको साथै तराइको फाँट पनि देख्न सकिन्छ ।
© copyright 2016-2019 and all right reserved to jaljalakhabar | Site By : sobij
