प्रकाशित मिति : शनिबार, मंसिर ८, २०७५
काठमाडौं । सप्तरीको हनुमाननगर कंकालिनी नगरपालिका–१० इनरुवामा हिजो साँझ भएको बस दुर्घटनामा ५ जनाको मृत्यु भएको छ ।
बराह क्षेत्रमा लागेको कुम्भ मेला भरेर फर्किएका यात्रु सवार को १ ख २७९९ नम्बरको बस पल्टिएको हो ।
दुर्घटनामा परी बेचनीदेवी यादव, भुटनीदेवी यादव, सिक्किलदेवी साह, दिनेश रजक र उनकी श्रीमतीको मृत्यु भएको छ ।
दुर्घटनामा तीन दर्जनभन्दा बढी घाइते भएका छन् ।
गम्भीर घाइते ११ जनालाई बीपी कोइराला स्वास्थ्य विज्ञान प्रतिष्ठान धरान पठाइएको छ भने बाँकीको सगरमाथा अस्पतालमा उपचार भइरहेको छ ।
© copyright 2016-2019 and all right reserved to jaljalakhabar | Site By : sobij
