प्रकाशित मिति : शुक्रबार, मंसिर १४, २०७५
काठमाडौं, मंसिर १४ । नागरिकका तर्फबाट चौतर्फी विरोधपछि सरकारले काठमाडौंमा यातायातमा लागू गरेको जोर–बिजोर प्रणाली हटाएको छ ।
महानगरीय ट्राफिक प्रहरी महाशाखाले आज बिहान साढे ११ बजेबाट जोर–बिजोर प्रणाली हटाइएको जनाएको छ । गैरसरकारी संस्था एसिया प्यासिफिक सम्मेलनका लागि भन्दै ट्राफिक प्रहरीले हिजोदेखि चार दिनसम्म काठमाडौं उपत्यकामा जोर–बिजोर प्रणाली लागू गरेको थियो ।
जोर–बिजोर प्रणाली लागू भएपछि नागरिकले चर्को सास्ती खेप्नुपरेको थियो । त्यसको चौतर्फी विरोध भएपछि गृहमन्त्रालयले आज विज्ञप्ति जारी गरी जोरबिजोर प्रणाली हटाउन निर्देशन दिएको हो ।
© copyright 2016-2019 and all right reserved to jaljalakhabar | Site By : sobij
