एक थान प्रतिवन्धित दुई मुखे सर्प सहित दुई जना पक्राउ

मधु पौडेल, बाँके  २०७५÷०९÷०२

एक थान प्रतिबन्धित दुई मुखे सर्पसहित वडा प्रहरी कार्यालय नेपालगन्जले २ जनालाई पक्राउ गरेको छ ।

नेपालगन्ज उप–महानगरपालिका ४ न्यूरोडमा रहेको लोकबहादुर सुनारको घरमा लुकाइछिपाई राखेको अवस्थामा प्रहरीले सर्पसहित २ जनालाई पक्राउ गरेको हो ।

पक्राउ पर्नेमा नेपालगन्ज उप–महानगरपालिका ४ न्यूरोड बस्ने लोकबहादुर सुनार र वडा नम्बर १६ बस्ने मुराद अली साई रहेको वडा प्रहरी कार्यालय नेपालगन्जमा इन्चार्ज नारायण डाँगीले जानकारी दिए ।

उनीहरुले चोरी तस्करी गरी ल्याई सुनारको घरमा लुकाईराखेको सुचनाको आधारमा घरमा चेकजाच गर्ने प्रहरीले दुई मुखे सर्प फेला पारेको थियो ।

इन्चार्ज प्रहरी निरीक्षक नारायण डाँगीका अनुसार घरको पुर्व तर्फ रहेको पानी तान्ने पम्प नजिकै जमिन मुनी लुकाइराखेको अवस्थामा सर्प बरामद गरिएको हो ।

दुई मुखे सर्पसहित आवश्यक कारबाहीका दुवै जनालाई डिभिजन वन कार्यालय बाँकेको जिम्मा लगाइएको वडा प्रहरी कार्यालय नेपालगन्जले जनाएको छ ।