साथी बनाएर बोलाउने, यौन धन्दा चलाउने

साथी बनाएर युवतीलाई बोलाउने र भारतीय ग्राहकका लागि यौन धन्दा चलाउने दुई महिलासहित १० जना भारतीय नागरिक प्रहरीको फन्दामा परेका छन् सुनसरीको इटहरीस्थित दियालो होटल एन्ड लजमा कोठा बुक गरेरै धन्दा चलाएको प्रहरीले पत्ता लगाएको थियो । उनीहरूलाई नियन्त्रणमा लिएर मुद्दा अगाडी बढाइएको प्रहरीले जनाएको छ ।

भारत पटनाका २८ वर्षीय रविकान्त निराला, कटियारका ३८ वर्षीय प्रभाकरकुमार साह, सोही ठाउँका ३६ वर्षीय सुमनकुमार मण्डल, सुपौल कैयाका २७ वर्षीय दिपेशकुमार मेहता र कटियार मनिहारीका ३४ वर्षीय ललनकुमार मण्डल ग्राहकका रूपमा यौन सुख लिन आएका थिए ।

त्यस्तै, कटियारकै १८ वर्षीय कुन्दनकुमार ठाकुर र सोही ठाउँका ३६ वर्षीय विजय केवड तथा पान्तपुर कटियारका ३२ वर्षीय निरजकुमार मण्डल पनि प्रहरीको फन्दामा परेका छन् । यी ग्राहकलाई युवतीको व्यवस्था मोरङ केराबारी–१० की तिर्थमाया भुजेल र धरान–८ की २२ बर्षिया सीमा मगरले गर्थिन् । उनीहरूलाई पनि पक्राउ गरिएको छ ।